Saqqaa Sammisaralugit toqqakkat / Linjefag.

 

Sammisaralugu toqqakkat tassaapput Maniitsumi Efterskolip immikkut ilisimasaqarfigalugit atuartunut tunniukkusutai.
 
Sammisaralugu toqqakkat ukioq naallugu sammineqartarput, atuarnerlu aallartikkaangat toqqaatinnani sammisap ilisaritinneqarnerata kingorna toqqaasoqartarpoq.
 
Timersorneq piniarnerlu.

     Timersorneq piniarnerlu timimik atuerususseqartariaqarpoq silami illullu iluani.

     Timersuutit assigiinngitsut ingerlanneqartarput soorlu sakkortuut qasunartut, nukkassarnerit, sisorarneq, tilluunneq, Taekwondo, arpanneq, timersortarfimmi timersorneq il.il.

     Piniarneq annertuumik ingerlanneqartarpoq, piniarneqartarpullu puisinniarneq Saarulliit, Kapisillit,

     Tuttut, Ukallit, Aqissit, Mitit, puilasumut imertarneq, Eqqusarniarneq, mannissarniarneq il.il.

     Pisarineqartut atuartut namminneerlutik pisatik isumagisarpaat qerititsivimmullu toqqortarlugit.

asi
Nipilersorneq.
     Sammisamik allamik taamak misigissutsinik attuisinnaatigisumik ilisimasaqanngilagut.
Nipilersorneq nipinillu atuisinnaaneq ilikkarsinnaagaanni inuppassuit misigissusaat attorneqarsinnaapput.
    Maniitsumi Efterskolip nipilersuutit assigiinngitsut pigai.
Ilai immiussinermut atortut, ilai nipilersoqatigiinnermut atortut.
    Ukiup ingerlanerani nipilersornerup iluani aqqusaartakkat assigiinngitsut misilinneqartarput.
    Soorlu: Erinniorneq, taalliorneq, patiffinnik ilinniarneq, nipilersuutinik ikkussuineq piiaaneq, allarpassuillu.
    Nipilersornermik sammisaqarnermi aamma erinnamik piginnittussaatitaanermut tunngasut tikinneqartarput, soorlu aamma MP3 mobilimilu nipilersuutit pigineqartut sammineqartartut.
nipi
Filmiliorneq isiginnaartitsinerlu.
    Ukiuni kingullerni nunatsinni filimiliat takussaaleriartorput, inuillu namminneq filimeeraliaat isiginnaaraanni malunnartarpoq nunatsinni filimiliornermut piginnaanillit arlaqartut.
    Filmiliornermi isiginnaartitsinermilu ilinniarneqartarpoq nammineq oqaluttualiap qanoq ililluni filiminngorlugu, nipitalersorlugulu suliarineqartarnersoq.
    Pingaartipparput atuartut namminneq isumassarsiaat timitalerlugu suliarineqartassasoq, sapinngisamillu atuartut namminneerlutik suliarissagaat. 
drama
Nammineq pilersitsineq.
    Qularnanngilaq inuuninni suliarerusutannik arlalinnik eqqaarsaateqartartutit. Immaqa atortussatit amigaatigiinnarpatit. Immaqaluunniit inimik nammineq eqqarsaatersorfissannik amigaateqaannarputit, immaqaluunniit inunnik ilittut ittunik suleqatigisinnaasannik amigaateqarputit.
    Maniitsumi Efterskolimi nammineq ilusilersorlugu pilersitsinissannut periarfissaqarputit.
 
krea