Qinnuteqarneq.

Meeqqat atuarfianni 10. Klasse naammassisimagaanni 14-ileereersimagaanni 18-iliisimananili qinnuteqartoqarsinnaavoq
 

Qinnuteqarnermi piumasaqaat
 
Maniitsumi Efterskolimi aallartikkaanni 18-iliisimassanngilaq efterskolernermili 18-iliisoqarsinnaavoq.Immikkut ima pisariaqartitsisoqartigippat (immikkut atuartitaasoqassappat imlt. soorlu tapersersorteqartariaqarluni) ajoraluartumik Maniitsumi Efterskolimi tamanna naammassineqarsinnaanngimmat itigartitaanissaq naatsersutigisariaqassaaq.
 
 
Ukiumut atuarfiusumut 2019 - 2020-mut qinnueqarfissaq
uani aaneqarsinnaavoq.
Efterskoleriarnermi eqqaamasassat
 
- Uffarnermut atortut, allarutillu.
- Qipik, akiseq oqorutit puuilu.
- Atisat ulluinnarsiutit.
-
Atisat oqortut
- Isersimmatit
- Arpaatit, atisat timersuutit, sialussiutit
- Illup iluani timersornermi ateraasat
- Faginut tamanut ordbogit imaluunniit computer
- Lommeregner
- Aqerluusat, titartaat, passer vinkelmåler-ilu
- Sinngup puua, allequtaq, nammattagaq
- Peqaruit bæbar computer nassariuk
- Imerfik

Kajumissaarpatsigillu paasissutissat allat sukumiisumik atuaqqullugit.


Angajoqqaat isertitaat naapertorlugit Efterskolimi atuartoq akiliunneqartarpoq
 
Qinnuteqartoq atualernissaminut akuerineqarpat nalunaarsuinermut aningaasartuut 500,00 kr. saniatigullu iserternermut qularnaveeqqut 2.000,00 kr. juni naatinnagu akilerneqareersimassapput.Taamaattorli akiligassaq marlunngorlugu avinneqarsinnaavoq.Assersuutigalugu majip naanerani 1.000,00 kr. akileriarlugu, junip naanerani sinneruttoq akilerlugu.
 
Akiliutit Maniitsumi Efterskolip bankkonto-anut 6471-1099687 –nut atualertussap aqqa inuuialu nalunaaqutsiullugit akilerneqassapput.
 
Angajoqqaat ukiumut isertitaat najoqqutaralugit Efterskolimut sapaatip akunneranut akiliutigineqartussaq imatut annertutigissaaq, akiligassarli nassiunneqartartoq qaammatikkaarlugit nassiunneqartarpoq.  Ukiumut isertitat akiliutissarlu:
 
ukiumut isertitat sapaatip akunneranut akiliut sapaatip akunneranut tapiissut
Gr. 1 0,00 – 340.000,00 kr. 0,00 kr. 731,00 kr.
Gr. 2 340.001,00 – 400.000,00 kr. 350,00 kr. 381,00 kr.
Gr. 3 400.001,00 – 500.000,00 kr. 450,00 kr. 281,00 kr.
Gr. 4 500.001,00 – qummut. 731,00 kr. 0,00 kr.

Atualertussaq nukarliusumik qatannguteqarpat ukiumut aningaasarsiat naatsorsorneri meeqqamut ataatsimut 30.000,00 kr.-nik annikillineqassapput.

Qatanngutigiillu arlariit efterskoleqatigiippata aappaa (18-liisimanngippat) tamakkiisumik tapiiffigineqartussaavoq.

 
Paasissutissat atuaqqissaarnissaat pingaaruteqarpoq