Atuarfik.
Maniitsumi Efterskoli atuartunut 70-nut inissaateqarpoq.
Ilinniartut najugaqarfiat Kollegia arfinilinnik quleriilik atuarfiup saninnguaniippoq. Kollegia 35-nik initaqarpoq, atuartullu marlukkaarlutik ineqatigiittarput.
Quleriit tamarmik marlunnik uffarfeqarlutillu perusuersartarfeqarput.
 
Atuarfimmi klasselokalit pingasuusut saniatigut aamma mikisunik immikkut sammisaqarfiusartunik klasselokaleqarpoq.
Atuarfiup naqqani nerisarfeqarpoq isersimaartarfeqarlunilu.
Atuarfik Klasselokale
Atuarfik. Klasselokale
Kingusinnerusukkut assitalerneqarumaarpoq. Nerisarfik
Atuartut inaat Nerisarfik
 
Pingaartitatigut tunngaviit.
 
Nerisat tungaatigut pingaartitat.
 
Maniitsup Efterskoliani pingaartitatigut tunngavigisaq nammineq toqqagaq aallaavigalugu siunertaavoq inuusuttut ineriartortissallugit, atuartut suliatigut inuttullu inuunerminni pingaarutilinnik naleqquttunillu toqqaasinnaanngortillugit.

 
Efterskolimi pisussaaffigalugu ataatsimuussuseq atuarfiup ilusaani qitiuvoq atuarfimmilu tunngaviusumik isuma tassaavoq kikkulluunniit imminnut ataatsimooqatiminnullu akisussaaffeqarnerat.
 
T
aamaattumik Maniitsumi Efterskolimi ilinniartut innuttaaqataalluartunngornissaannik ilinniartinniarpagut, tamat oqartussaaqataanerannik (demokrati) ilumoorussisut inuiaqatigiit kalaallit nunarsuarmioqatittalu akornanni paasinnissinnaallutillu iliuuseqarsinnaasut.
 
Ilinniartunik aqqutissiuussineq pingaartinneqassaaq pineqartullu efterskolernermik kingorna ilinnialernissaat sammineqassalluni.
 
Maniitsumi Efterskolimi peqqinnartunik inuussutissaqarluartunillu nerisaqarneq eqqumaffigaarput.Atuarfiup immikkut pingaartitaraa kalaalimerngit nerisaqarnikkut atuarfitta ilisarnaataata ilagissagaa.
 
Efterskolip aalisakkanik nerisassanillu allanik periarfissaqartillugu kalaalimineerniarfimmi pisisarnissani pingaartippaa, aammattaaq periarfissaqartillugu atuartut ilinniartitsisortik ilagalugu piniarlutillu aalisartarsinnaasut siunertatta ilagaa.
 
Suut nerinerlugit ilisimanissaa pingaaruteqarpoq, soorlu aamma nerisat suminngaaneernersut ilisimanissaat pingaaruteqartoq, siunertaraarpullu una atussallugu ”Immamiik igamut” 
 

Efterskolip igaffimmiui allanngorartunik pitsaasunillu iganissamut ilinniarnikuupput, ulluinnarnilu atuartuutitta iggavimmi ikiuuttarnermikkut iganeq misilittagaqarfigilissavaat. Imaasinnaavormi siunissami nerisassiorneq soqutigilingaaramikku igasunngorniartoqartoq.

 

Maniitsumi Efterskolip siulersuisui.
Sara H. Rosing Siulittaasoq Teera Grønvold Tullersorti
Sofie Jessen Ilaasortaq Bendt Olsen Ilaasortoq
Johanne H. Petersen Ilaasortaq Louis Nielsen Sulisut ilaasortaatitaat